ಕಲಬುರಗಿ: ಕಲಬುರಗಿಯ ಭರತ್ನಗರದ ನಿವಾಸಿ ಅಂಜುಕುಮಾರಿ ಜೆ. ವಂಟಿ ಅವರಿಗೆ ಬೆಳಗಾವಿಯ ವಿಶ್ವೇಶ್ವರಯ್ಯ ತಾಂತ್ರಿಕ ವಿಶ್ವವಿದ್ಯಾಲಯ (VTU) ಪಿಎಚ್ಡಿ ಪದವಿ ನೀಡಿ ಗೌರವಿಸಿದೆ.
‘ಕಲಬುರಗಿಯ ಬಿಸಿ ಮತ್ತು ಒಣ ವಾತಾವರಣದಲ್ಲಿ ಆಧುನಿಕ ಮನೆಗಳನ್ನು ತಂಪಾಗಿಸುವ ವ್ಯವಸ್ಥೆ ರೂಪಿಸಲು ಹೊಸ ವಿಧಾನ’ ಎಂಬ ವಿಷಯದ ಮೇಲೆ ಅವರು ಮಂಡಿಸಿದ ಸಂಶೋಧನಾ ಪ್ರಬಂಧಕ್ಕೆ ಈ ಗೌರವ ಲಭಿಸಿದೆ.
ಈ ಸಂಶೋಧನೆಗೆ ಬೆಂಗಳೂರು ಗೋಪಾಲನ್ ಇಂಜಿನಿಯರಿಂಗ್ ಕಾಲೇಜಿನ ವಾಸ್ತುಶಿಲ್ಪ ವಿಭಾಗದ ಪ್ರಾಂಶುಪಾಲೆ ಡಾ. ವಿಮಲಾ ಸ್ವಾಮಿ ಅವರ ಮಾರ್ಗದರ್ಶನ ಸಿಕ್ಕಿತು.
ಅಂಜುಕುಮಾರಿ ಜೆ. ವಂಟಿ ಅವರು ಪ್ರಸ್ತುತ ಕಲಬುರಗಿಯ PDIT ಎಂಜಿನಿಯರಿಂಗ್ ಕಾಲೇಜಿನಲ್ಲಿ ಅಸೋಸಿಯೇಟ್ ಪ್ರೊಫೆಸರ್ ಆಗಿ ಸೇವೆ ಸಲ್ಲಿಸುತ್ತಿದ್ದಾರೆ.
ಕಲಬುರಗಿಯ ವಾತಾವರಣಕ್ಕೆ ತಕ್ಕ ಹೊಸ ಶೀತಲೀಕರಣ ತಂತ್ರಜ್ಞಾನ ಕುರಿತ ಅವರ ಸಂಶೋಧನೆ ತಾಂತ್ರಿಕ ವಲಯದಲ್ಲಿ ಮೆಚ್ಚುಗೆ ಗಳಿಸಿದೆ
