ಕಲಬುರಗಿ:ನಗರದ ಕೆಕೆಆರ್‌ಟಿಸಿ ವಿಭಾಗ–1ರ ಬಯಲು ರಂಗಮಂದಿರದಲ್ಲಿ ಕೆ.ಎಸ್.ಆರ್.ಟಿ.ಸಿ ನಿಗಮಗಳ ಎಸ್‌ಸಿ/ಎಸ್‌ಟಿ ನೌಕರರ ಕ್ಷೇಮಾಭಿವೃದ್ಧಿ ಸಂಘ (ರಿ.) ರಾಜ್ಯ ಸಮಿತಿ ಮತ್ತು ಕೆ.ಕೆ.ಆರ್‌ಟಿಸಿ ಎಸ್‌ಸಿ/ಎಸ್‌ಟಿ ನೌಕರರ ಕ್ಷೇಮಾಭಿವೃದ್ಧಿ ಸಂಘ (ರಿ.) ಕಲಬುರಗಿ ಘಟಕದ ಸಂಯುಕ್ತ ಆಶ್ರಯದಲ್ಲಿ ರಾಜ್ಯ ಮಟ್ಟದ ಡಾ. ಬಿ. ಆರ್. ಅಂಬೇಡ್ಕರ್ ರವರ 134ನೇ ಜಯಂತ್ಯೋತ್ಸವ ಹಾಗೂ ಸಂವಿಧಾನ ಸಮರ್ಪಣಾ ದಿನಾಚರಣೆ ಕಾರ್ಯಕ್ರಮ ನಡೆಯಿತು.
ಕಾರ್ಯಕ್ರಮವನ್ನು ಶಾಸಕ ಅಲ್ಲಮ ಪ್ರಭು ಪಾಟೀಲ್ ಅವರು ದೀಪ ಬೆಳಗಿ ಉದ್ಘಾಟಿಸಿದರು.
ಭಾರತ ಸಂವಿಧಾನದ ಮೌಲ್ಯಗಳು, ಸಮಾಜ ಪರಿವರ್ತನೆ ಮತ್ತು ಡಾ. ಅಂಬೇಡ್ಕರ್ ಅವರ ಚಿಂತನೆಯ ಮಹತ್ವವನ್ನು ಅವರು ಈ ಸಂದರ್ಭದಲ್ಲಿ ಸ್ಮರಿಸಿದರು.
ವೇದಿಕೆಯಲ್ಲಿ ನಿರಗುಡಿಯ ಪ.ಪೂ. ಹವಾಮಲ್ಲಿನಾಥ ಮಹಾರಾಜರು, ಸಂಜಯ ಮಾಕಲ್, ಡಾ. ಎಂ. ವೆಂಕಟಸ್ವಾಮಿ, ಎಂ. ಲಗುಮಯ್ಯ, ಕೆ.ವಿ. ಶಿವಕುಮಾರ, ಬ್ಯಾಟರಾಜು, ಬಿ. ಪ್ರಸಾದ್, ಎಂ. ಶಾರಧಯ್ಯ, ಕೆ.ಎಂ. ಯೋಗಾನಂದ, ಚಂದ್ರಕಾಂತ ಪುಲೇಕರ್, ಚಂದು ಕೆ., ಸುನೀಲಕುಮಾರ ಚಂದರಗಿ, ಡಾ. ಹೂವಣ್ಣ ಎಸ್. ಸಕ್ಸಾಲ್, ಸಿದ್ರಾಮ ಬನಸೋಡೆ, ಟಿ.ಬಿ. ಪ್ರೇಮನಾಥ, ಶಾಂತಕುಮಾರ ಎಸ್. ಚಾಂಬಾಳಕರ್, ದೇವರಾಜ ಎಸ್. ಚೌರ, ಚಂದ್ರಕಾಂತ ಗದ್ದಗಿ, ಮಾರುತಿ ಶಾಕಾ, ರಾಜಕುಮಾರ ಎಂ. ಗೌತಮ್ (ಯಕ್ಕಂಚಿ), ಚೆನ್ನಾ ಬಾಸಿಂ, ಶಿವಪುತ್ರಪ್ಪ ಬೆಳಮಗಿ, ಬಸವರಾಜ ಕಣ್ಣೆ, ಜಯರಾಮ ರಾಠೋಡ್, ವಿಠ್ಠಲ ಭೀಮನ್, ದಿನೇಶ ದೊಡ್ಡಮನಿ, ಪ್ರಕಾಶ ಅವರಾಧಕರ್ ಸೇರಿದಂತೆ ಹಲವರು ಉಪಸ್ಥಿತರಿದ್ದರು.
ಕಾರ್ಯಕ್ರಮದಲ್ಲಿ ಅಂಬೇಡ್ಕರ್ ತತ್ವ–ಆದರ್ಶಗಳ ಪ್ರಸಾರ, ಸಂವಿಧಾನದ ಜಾಗೃತಿ ಮತ್ತು ಸಮಾಜದಲ್ಲಿ ಸಮಾನತೆ–ಸಾಮರಸ್ಯದ ಸಂದೇಶವನ್ನು ಪ್ರಬಲವಾಗಿ ಮನವರಿಕೆ ಮಾಡಲಾಯಿತು.
