ಸರಕಾರಿ ಮಹಾವಿದ್ಯಾಲಯ ಸ್ವಾಯತದಲ್ಲಿ ಪ್ರಥಮ ಚಿಕಿತ್ಸಾ ತರಬೇತಿ – ತಜ್ಞರಿಂದ ವಿದ್ಯಾರ್ಥಿಗಳಿಗೆ ಪ್ರಾಯೋಗಿಕ ಮಾರ್ಗದರ್ಶನ
ಕಲಬುರಗಿ: ನಗರದ ಸರಕಾರಿ ಮಹಾವಿದ್ಯಾಲಯ ಸ್ವಾಯತದ ಪ್ರಾಣಿಶಾಸ್ತ್ರ ವಿಭಾಗದಲ್ಲಿ ಪ್ರಥಮ ಚಿಕಿತ್ಸಾ ತರಬೇತಿ ಕಾರ್ಯಕ್ರಮವನ್ನು ವಿಜೃಂಭಣೆಯಿಂದ ನಡೆಸಲಾಯಿತು. ಕಾರ್ಯಕ್ರಮವನ್ನು ಗಣ್ಯರು ಉದ್ಘಾಟಿಸಿದರು.
ಸಂಪನ್ಮೂಲ ವ್ಯಕ್ತಿಗಳಾಗಿ ಡಾ. ದೀಪಕಕುಮಾರ್, ಡಾ. ಅನಿಲಕುಮಾರ್, ಚಿಂತನ್ ಮುಖ, ಮಹಿಬೂಬ, ಪ್ರಿಯದರ್ಶಿನಿ ಹಾಗೂ ಸುಮಯ್ಯ ಆಗಮಿಸಿ, ಪ್ರಥಮ ಚಿಕಿತ್ಸೆಯ ಮೂಲಭೂತ ವಿಧಾನಗಳನ್ನು ಪ್ರಾಯೋಗಿಕ ಮಾದರಿಯಲ್ಲಿ ವಿದ್ಯಾರ್ಥಿಗಳಿಗೆ ತಿಳಿಸಿ ಅರಿವು ಮೂಡಿಸಿದರು.
ಕಾರ್ಯಕ್ರಮಕ್ಕೆ ಡಾ. ಸವಿತಾ ತಿವಾರಿ (ಸ. ಮಾ. ಸ್ವಾ. ಕ) ಅವರು ಘನ ಅಧ್ಯಕ್ಷತೆ ವಹಿಸಿ, ತಮ್ಮ ಉದ್ಯೋಗ ಜೀವನದ ಅನುಭವಗಳನ್ನು ಹಂಚಿಕೊಂಡು ಪ್ರಥಮ ಚಿಕಿತ್ಸೆಯ ತುರ್ತು ಮಹತ್ವವನ್ನು ವಿದ್ಯಾರ್ಥಿಗಳಿಗೆ ಒತ್ತಿ ಹೇಳಿದರು.
ಇದೇ ಸಂದರ್ಭದಲ್ಲಿ ಅತಿಥಿಗಳಾಗಿ ಡಾ. ಬಲ ಭೀಮ್ ಸಾಂಗ್ಲಿ, ಡಾ. ವಿಜಯಕುಮಾರ್ ಸಾಲಿಮಾನಿ, ಡಾ. ಟಿ. ವಿ ಅಡವೇಶ ಮತ್ತು ಡಾ. ರಾಜಕುಮಾರ ಮಡಿವಾಳ ಉಪಸ್ಥಿತರಿದ್ದರು. ರೆಡ್ ಕ್ರಾಸ್ ಘಟಕದ ಸಂಯೋಜಕರಾದ ಡಾ. ಅಜರಾ ಪರ್ವೀನ್ ಕಾರ್ಯಕ್ರಮದ ರೂಪರೇಷಗಳನ್ನು ವಿವರಿಸಿದರು.
ಕಾರ್ಯಕ್ರಮವನ್ನು ಅಂಕುಶ ಸಿನ್ನುರ್ಕರ ಸುಂದರವಾಗಿ ನಿರೂಪಿಸಿದರು. ಪ್ರೇಮ್ ಕಾಂಬಳೆ ಸ್ವಾಗತಿಸಿದರು. ರೆಡ್ ಕ್ರಾಸ್ ಘಟಕದ ಸಮಿತಿಯ ಸದಸ್ಯರಾದ ಡಾ. ಮೀನಾಕ್ಸಿ, ಮಹೇಶ್ ಮತ್ತು ಡಾ. ರಫತ್ ಅರಾ ಕಾರ್ಯಕ್ರಮದಲ್ಲಿ ಭಾಗವಹಿಸಿದರು.
