ಯುವಕನ ಬಂಧನ: ಚಿತ್ತಾಪುರದಲ್ಲಿ ನಡೆಯುವ ಆರ್ ಎಸ್ ಎಸ್ ಪಥ ಸಂಚಲನಕ್ಕೆ ಸಂಬಂಧಿಸಿದಂತೆ ನೀಲಿ ಶಾಲಿಗೆ ಅವಮಾನಾಸುವ ರೀತಿಯಲ್ಲಿ ವಾಟ್ಸಾಪ್ ಸ್ಟೇಟಸ್ ಹಾಕಿ ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಟ್ಟ ಚಿತ್ತಾಪುರ ಪಟ್ಟಣದ ಯುವಕನೊಬ್ಬನನ್ನು ಪೊಲೀಸರು ವಶಕ್ಕೆ ಪಡೆದ ಪರಸಂಗ ನಡೆಯಿತು. ಯುವಕ ತನ್ನ ಮೊಬೈಲ್ ವ್ಯಾಟ್ಸನ್ ಸ್ಟೇಟ್ಸ್ ನಲ್ಲಿ “ಗೆಲುವು ನಿಶ್ಚಿತ ಅಂದಮೇಲೆ ತಾಳ್ಮೆಯೂ ಸಹ ಅವಶ್ಯಕತೆ ಇರುತ್ತದೆ. ನಿಲ್ಸಿದ್ರಿ ನಿಲ್ಲುತ್ತೆ ಅನ್ಕೊಂಡ್ರು. ನೀಲಿ ಬಣ್ಣಕ್ಕೆ ಏನು ಗೊತ್ತು ಕೇಸರಿ ಬಣ್ಣದ ಗತ್ತು” ಎಂದು ಬರೆದುಕೊಂಡಿದ್ದ ಯುವಕನ ವಿರುದ್ಧ ದೂರುಗಳು ಬಂದ ಹಿನ್ನೆಲೆಯಲ್ಲಿ ಪೊಲೀಸರು ತಕ್ಷಣಕ್ಕೆ ಆತನನ್ನು ವಶಕ್ಕೆ ಪಡೆದರು. ಯುವಕನ ವಿಚಾರಣೆ ನಡೆದಿದ್ದು, ಪೊಲೀಸರು ಕ್ರಮ ಕೈಗೊಳ್ಳುವ ಸಾಧ್ಯತೆ ಇದೆ.
ಚಿತ್ತಾಪುರ: ರಾಷ್ಟ್ರೀಯ ಸ್ವಯಂಸೇವಕ ಸಂಘವು ಯಾರ ವಿರೋಧಿಯು ಅಲ್ಲ. ಯಾರು ದೇಶದ ಪರವಾಗಿರುತ್ತಾರೋ ಅವರೆಲ್ಲರೂ ಸಂಘದ ಪರವಾಗಿರುತ್ತಾರೆ. ಯಾರು ದೇಶವನ್ನು ಹೊಡೆಯುತ್ತಾರೋ ಸಂಘ ಅವರ ವಿರುದ್ಧ ಹೋರಾಡುತ್ತದೆ ಎಂದು ರಾಷ್ಟ್ರೀಯ ಸ್ವಯಂ ಸೇವಕ ಸಂಘದ ಪ್ರಾಂತ್ಯ ಪ್ರಚಾರಕ ಕೃಷ್ಣಾಜೀ ಜೋಶಿ ಹೇಳಿದರು.
ಪಟ್ಟಣದ ಬಜಾಜ್ ಕಲ್ಯಾಣ ಮಂಟಪದ ಆವರಣದಲ್ಲಿ ರಾಷ್ಟ್ರೀಯ ಸ್ವಯಂಸೇವಕ ಸಂಘದ ನೇತೃತ್ವದಲ್ಲಿ ರವಿವಾರ ನಡೆದ ಪಥ ಸಂಚಲನದ ಸಮಾರೋಪ ಸಮಾರಂಭದಲ್ಲಿ ಭಗವಾಧ್ವಜ ನೆರವೇರಿಸಿ ಅವರು ಮಾತನಾಡಿದರು. ಸಂಘದ ಚಟುವಟಿಕೆ ಮೇಚ್ಚಿ ದೇಶ ಸೇವೆಗಾಗಿ ದುಡಿಯುವವರು ಸಂಘಕ್ಕೆ ಬರಬೇಕು. ಇಲ್ಲಿ ಯಾರಿಗೂ ಜಾತಿ ಕೇಳುವುದಿಲ್ಲ. ಆರ್ ಎಸ್ ಎಸ್, ಫ್ಯಾಸಿಸ್ಟ್, ಸಂಘ ಎಂದು ಕರೆಯುವ ಕಮ್ಯುನಿಷ್ಟರನ್ನು ಒಳಗೊಂಡಂತೆ ಎಲ್ಲರನ್ನೂ ಜೊತೆಗೆ ಕರೆದುಕೊಂಡು ಹೋಗುವ ಗುರಿ ಹೊಂದಿದೆ. ಸಂಘ ರದ್ದಾಗಬೇಕು ಎಂದು ಬಯಸುವ ಮನಸುಗಳನ್ನು ಸಹ ಒಗ್ಗೂಡಿಸಿ ಇಂದಲ್ಲ ನಾಳೆ ನಮ್ಮ ಜೊತೆಗೆ ಸೇರಿಸಿಕೊಂಡು ಹೊರಡುತ್ತೇವೆ.
ನಾಗಪೂರದಲ್ಲಿ ಕೇವಲ 13-17ಜನ ಯುವಕರನ್ನು ಕೂಡಿಸಿಕೊಂಡು ಸಂಘ ಕಟ್ಟಲು ಆರಂಭಿಸಿದ ಡಾ.ಹೆಡೆಗೆವಾರ ಅವರು ಹಿಂದೂ ರಾಷ್ಟ್ರ ಕುಟ್ಟುವ ಕನಸು ಕಟ್ಟಿದ್ದರು. ಅದರ ಪರಿಣಾಮವಾಗಿ ಇಂದು ದೇಶದ ಪ್ರತಿ ಹಳ್ಳಿಗಳಲ್ಲಿ ಸಂಘದ ಸ್ವಯಂಸೇವಕರು ಕೆಲಸ ಮಾಡುತ್ತಿದ್ದಾರೆ. ಸಂಘವನ್ನು ದೂರದಿಂದ ನೋಡಿದವರು ಟೀಕೆಗಳನ್ನು ಮಾಡುತ್ತಲೇ ಬರುತ್ತಿದ್ದಾರೆ.
ಆದರೆ, ಹತ್ತಿರದಿಂದ ನೋಡಿದವರು ಸಂಘದ ಕಾರ್ಯವನ್ನು ಶ್ಲಾಘಿಸಿದ ಉದಾಹರಣೆಗಳಿವೆ. ಹೀಗೆ ಟೀಕಿಸುತ್ತಿದ್ದ ಮಹಾತ್ಮಾಗಾಂಧಿ ಹಾಗೂ ಡಾ.ಬಿ.ಆರ್ ಅಂಬೇಡ್ಕರ್ ಅವರು ಸಂಘದ ಚಟುವಟಿಕೆಗಳನ್ನು ಹತ್ತಿರದಿಂದ ಕಂಡು ತಮ್ಮ ಅಭಿಪ್ರಾಯಗಳನ್ನು ಸಕರಾತ್ಮಕವಾಗಿ ಹಂಚಿಕೊಂಡಿದ್ದಾರೆ. ರಾಷ್ಟ್ರೀಯ ಸ್ವಯಂಸೇವಕ ಎಂದರೆ ಅದು ದೇಶ ಭಕ್ತರ ಏಕೈಕ ಸಂಘ ಎಂದು ಇಂದು ಸಾಬೀತಾಗಿದೆ. ಸಂಘಕ್ಕೆ ನೂರು ವರ್ಷ ತುಂಬಿದ ಹಿನ್ನೆಲೆಯಲ್ಲಿ ದೇಶಾದ್ಯಂತ ಪಥಸಂಚಲನ ನಡೆಯುತ್ತಿದೆ. ಸಾರ್ವಜನಿಕರು ತೋರುತ್ತಿರುವೆ ಸಂಘದ ಸಾಧನೆಯಾಗಿದೆ ಎಂದು ಸ್ಮರಿಸಿದರು.
ನಾನು ಹಿಂದೂ ಎಂದು ಹೇಳಿಕೊಳ್ಳಲು ಸಾಧ್ಯವಾಗದಂತಹ ಸಂದರ್ಭದಲ್ಲಿ ಜನ್ಮತಳೆದ ರಾಷ್ಟ್ರಯ ಸ್ವಯಂ ಸೇವಕ ಸಂಘ ಹಿಂದೂಪರ ಚಟುವಟಿಕೆಗಳನ್ನು ಸಂಘಟಿಸಿ ಹಿಂದೂಗಳಲ್ಲಿ ಆತ್ಮಸ್ಥೈರ್ಯ ಮೂಡಿಸುವ ಕೆಲಸ ಮಾಡಿದೆ. ಅಯೋಧ್ಯೆಯಲ್ಲಿ ಶ್ರೀರಾಮ ಮಂದಿರ ಸ್ಥಾಪನೆ ಮಾಡುವ ಮೂಲಕ ಹಾಗೂ ಜಮ್ಮು-ಕಾಶ್ಮೀರದಲ್ಲಿ 370ಕಲಂ ರದ್ದುಗೊಳಿಸುವ ಮೂಲಕ ಸಂಘ ತನ್ನ ಗುರಿ ತಲುಪಿದೆ. ಈ ದೇಶದ ಮೊದಲ ಪ್ರಧಾನ ಮಂತ್ರಿ ಆರ್ ಎಸ್ ಎಸ್ ಸಂಘ ನಿಷೇಧಿಸಿ ಆದೇಶ ಹೊರಡಿಸಿದ್ದರು. ಈಗಲೂ ಕೆಲವರು ಆರ್ ಎಸ್ ಎಸ್ ನಿಷೇಧಿಸಬೇಕು ಎನ್ನುತ್ತಿದ್ದಾರೆ.
ಆದರೆ, ಅವರೆಲ್ಲರ ಮನ ಪರಿವರ್ತಿಸಿ ಸಂಘ ಪುನಶ್ಚೇತನಗೊಂಡಿದೆ. ಸಂಘದ ಚಟುವಟಿಕೆ ನಿಷೇಧಿಸಲು ಯಾರಿಂದಲೂ ಸಾಧ್ಯವಿಲ್ಲ. ಕಾರಣ, ಬಸವಣ್ಣನವರು ಹೇಳಿದಂತೆ ಇವನಾರುವ ಇವನಾರವ ಎನ್ನದಿರಯ್ಯ ಇವ ನಮ್ಮವ ಇವ ನಮ್ಮವ ನಮ್ಮ ಮನೆಯ ಮಗನ್ನೆನ್ನಿಸಯ್ಯ ಎಂಬ ಮಾತಿನಂತೆ ಸಂಘ ಜಾತಿಯನ್ನು ಕೇಳದೆ ಎಲ್ಲಾ ಹಿಂದೂಗಳನ್ನು ಸಂಘಟಿಸಿ ಬಸವಣ್ಣನವರ ಮಾತನ್ನು ಪಾಲಿಸುತ್ತಿದೆ ಎಂದು ಹೇಳಿದರು.
ಸ್ವಯಂ ಸೇವಕ ಸಂಘದ ಕಾರ್ಯಕರ್ತ ಭೀಮರೆಡ್ಡಿಗೌಡ ಕುರಾಳ, ಸಂಘದ ಪ್ರಮುಖ ಅಶೋಕ ಪಾಟೀಲ ವೇದಿಕೆ ಮೇಲಿದ್ದರು.
