ಸಾಮಾಜಿಕ ಸಮಾನತೆ ಸಾರಿದ ಮಹಾನ್ ದಾರ್ಶನಿಕ – ಸಂತ ಕವಿ ಕನಕದಾಸರ 538ನೇ ಜಯಂತಿ ಆಚರಣೆ

ಕನಕದಾಸರು: ಪೂರ್ಣ ಹೆಸರು ತಿಮ್ಮಪ್ಪ ನಾಯಕರ ಕನಕದಾಸರು
ಜನ್ಮಸ್ಥಳ ಬಾದ, ಶಿಗಾವ ತಾಲ್ಲೂಕು, ಹಾವೇರಿ ಜಿಲ್ಲೆ
ಕಾಲಘಟ್ಟ 16ನೇ ಶತಮಾನ
ಪ್ರಮುಖ ಕೃತಿಗಳು ನಲೋಪಾಖ್ಯಾನ, ಮೋಹನ ತಾರಂಗಿಣಿ, ಹರಿಭಕ್ತಿ ಸಾರ, ರಾಮಧನ್ಯ ಚರಿತೆ
ಸಾಹಿತ್ಯ ಶೈಲಿ ದಾಸ ಸಾಹಿತ್ಯ – ಭಕ್ತಿ, ಮಾನವೀಯತೆ ಹಾಗೂ ಸಮಾನತೆ ಸಾರುವ ಕಾವ್ಯ
ತತ್ತ್ವವಾಕ್ಯ “ಕುಲ ಕುಲ ಎಂದು ಹೊಡಿದಾಡದಿರಿ ಹುಚ್ಚಪ್ಪ ಗಳಿರ…”
ಕೊಡುಗೆ ಸಾಮಾಜಿಕ ಸಮಾನತೆ, ಧಾರ್ಮಿಕ ಭಾವೈಕ್ಯತೆ, ಮಾನವೀಯ ಮೌಲ್ಯಗಳ ಪ್ರಸಾರ
ಸ್ಮರಣೆ ಪ್ರತಿವರ್ಷ ಕನಕದಾಸ ಜಯಂತಿಯಾಗಿ ನವೆಂಬರ್‌ನಲ್ಲಿ ರಾಜ್ಯಾದ್ಯಂತ ಆಚರಣ.

ಜೇವರ್ಗಿ: ದಾಸ ಸಾಹಿತ್ಯದ ಪಿತಾಮಹರಾಗಿದ್ದ ಮಹಾನ್ ದಾರ್ಶನಿಕ ಹಾಗೂ ಸಂತ ಕವಿ ಕನಕದಾಸರ 538ನೇ ಜಯಂತಿಯನ್ನು ತಾಲೂಕು ಆಡಳಿತದ ಕಾರ್ಯಾಲಯದಲ್ಲಿ ಭವ್ಯವಾಗಿ ಆಚರಿಸಲಾಯಿತು.

ಕಾರ್ಯಕ್ರಮವನ್ನು ಉದ್ದೇಶಿಸಿ ಪ್ರಸ್ತಾವಿಕವಾಗಿ ಭಗವಂತರಾಯ ಬೆನ್ನೂರು ಅವರು ಮಾತನಾಡಿ, “ಕನಕದಾಸರು ಕೇವಲ ಕವಿಯಲ್ಲ, ಅವರು ದಾರ್ಶನಿಕ, ಸಾಮಾಜಿಕ ಚಿಂತಕ ಮತ್ತು ಮಾನವೀಯ ಮೌಲ್ಯಗಳ ಸಾರಥಿಯಾಗಿದ್ದರು. ಸಮಾಜದಲ್ಲಿ ಜಾತಿ–ಕುಲಭೇದಗಳಿಲ್ಲದ ಸಮಾನತೆಯ ಬುನಾದಿ ಇಡಲು ಕನಕದಾಸರು ತಮ್ಮ ಕಾವ್ಯದ ಮೂಲಕ ಶ್ರಮಿಸಿದ್ದಾರೆ” ಎಂದು ಹೇಳಿದರು.

ಅವರು ಮುಂದುವರೆದು, “ಕುಲ ಕುಲ ಎಂದು ಹೊಡಿದಾಡದಿರಿ ಹುಚ್ಚಪ್ಪ ಗಳಿರ, ಕುಲದ ನೆಲೆ ಏನಾದರೂ ಬಲ್ಲಿರಾ?” ಎಂಬ ಕನಕದಾಸರ ತತ್ತ್ವವಾಕ್ಯವು ಮಾನವೀಯತೆಯ ದೀಪವಾಗಿದ್ದು, ಇಂದಿನ ಕಾಲಘಟ್ಟದಲ್ಲೂ ಅದರ ಸಂದೇಶ ಪ್ರಸ್ತುತವಾಗಿದೆ ಎಂದು ಹೇಳಿದರು.

ತಹಶೀಲ್ದಾರ ಮಲ್ಲಣ್ಣ ಯಲಗೋಡ ಅವರು ಮಾತನಾಡಿ, “ಕನಕದಾಸರ ದಾಸ ಸಾಹಿತ್ಯವು ಭಾವೈಕ್ಯತೆ, ಧಾರ್ಮಿಕ ಸಹಿಷ್ಣುತೆ ಮತ್ತು ಸಾಮಾಜಿಕ ನ್ಯಾಯ ಸಾರುವ ಅಮೂಲ್ಯ ಸಂಪತ್ತು. ಅವರ ಸಾಹಿತ್ಯವನ್ನು ಯುವ ಪೀಳಿಗೆಯು ಅಧ್ಯಯನ ಮಾಡಬೇಕು” ಎಂದು ಹೇಳಿದರು.

ಕಾರ್ಯಕ್ರಮದಲ್ಲಿ ಕುರುಬ ಸಮಾಜದ ಅಧ್ಯಕ್ಷ ಸೈಬಣ್ಣ ದೊಡ್ಡಮನಿ, ತಿಂಥಣಿ ಮಠದ ಲಿಂಗಬೀರ ದೇವರು, ತಾಲೂಕು ಅಧಿಕಾರಿಗಳು ಹಾಗೂ ವಿವಿಧ ಸಮಾಜದ ಮುಖಂಡರು ಉಪಸ್ಥಿತರಿದ್ದರು.