ಅತಿ ಮಳೆಯಿಂದ ಹಾನಿಯಾದ ಬೆಳೆಗಳಿಗೆ ಪರಿಹಾರ ನೀಡಿ – ರೈತ ಸಂಘ ಧರಣಿ
ಸರ್ಕಾರ ತಕ್ಷಣ ಪರಿಹಾರ ಕ್ರಮ ಕೈಗೊಳ್ಳುವಂತೆ ಕರ್ನಾಟಕ ಪ್ರಾಂತ ರೈತ ಸಂಘ ಆಗ್ರಹ.
ಜೇವರ್ಗಿ: ಕರ್ನಾಟಕ ಪ್ರಾಂತ ರೈತ ಸಂಘ ತಾಲೂಕು ಸಮಿತಿ ಜೇವರ್ಗಿ ವತಿಯಿಂದ ಇಂದು ಪಟ್ಟಣದ ತಹಶೀಲ್ದಾರ ಕಚೇರಿ ಎದುರು ಭಾರೀ ಪ್ರತಿಭಟನಾ ಧರಣಿ ಹಾಗೂ ರೈತರು ಘೋಷಣೆಗಳೊಂದಿಗೆ ಸರ್ಕಾರದಿಂದ ತಕ್ಷಣ ಪರಿಹಾರ ಕ್ರಮ ಕೈಗೊಳ್ಳುವಂತೆ ಮತ್ತು ಜೋಗಿಯ ಜನಪ್ರಿಯ ಶಾಸಕರಾದ ಡಾ. ಅಜೇಯ ಸಿಂಗ ರೈತರ ಪರವಾಗಿ ಯಾವುದೇ ಕಾಳಜಿಯಾಗಲಿ ಆಸಕ್ತಿ ಯಾಗಲಿ ಹೊಂದಿಲ್ಲ ಎಂದು ಕಿಡಿ ಕಾರಿದ್ದಾರೆ.
ಈ ಸಂದರ್ಭದಲ್ಲಿ ರೈತರು ನಿರಂತರ ಅತಿ ಮಳೆಯಿಂದ ಹಾನಿಗೊಂಡ ಎಲ್ಲಾ ಬೆಳೆಗಳಿಗೆ ಸರಕಾರದಿಂದ ಇನ್ನೂ ಪರಿಹಾರ ಧನ ನೀಡದಿರುವುದನ್ನು ತೀವ್ರವಾಗಿ ವಿರೋಧಿಸಿದರು. ಸರ್ಕಾರವು ತಕ್ಷಣವೇ ಎಕರೆಗೆ ₹25,000 ಪರಿಹಾರ ಧನವನ್ನು ನೀಡಬೇಕು ಹಾಗೂ 5 ಎಕರೆವರೆಗೆ ರೈತರಿಗೆ ನೆರವು ನೀಡುವಂತೆ ಆಗ್ರಹಿಸಿದರು.
ಅದೇ ರೀತಿ ಗ್ರಾಮೀಣ ಪ್ರದೇಶಗಳ ರಸ್ತೆಗಳ ಸುಧಾರಣೆ, ರೈತರ ಸಾಲ ಮನ್ನಾ, ನೀರಾವರಿ ಸಮಸ್ಯೆ ಪರಿಹಾರ ಸೇರಿದಂತೆ ಅನೇಕ ಬೇಡಿಕೆಗಳನ್ನು ರೈತರು ಮುಂದಿಟ್ಟರು. ಬಳಿಕ ತಹಶೀಲ್ದಾರರ ಮೂಲಕ ಸರಕಾರಕ್ಕೆ ಮನವಿ ಪತ್ರವನ್ನು ಸಲ್ಲಿಸಲಾಯಿತು.
ಈ ಹೋರಾಟದಲ್ಲಿ ಕರ್ನಾಟಕ ಪ್ರಾಂತ ರೈತ ಸಂಘ ಮುಖಂಡ ಸುಭಾಷ್ ಹೊಸಮನಿ (ತಾಲೂಕು ಅಧ್ಯಕ್ಷ), ಮಲ್ಕಪ್ಪ ಹರನೂರ್ (ಕಾರ್ಯದರ್ಶಿ), ಸಿದ್ದಣ್ಣ ಆದವನೇ (ಉಪಾಧ್ಯಕ್ಷ), ರಾಜು ಸಾತ್ಕೇಡ್, ಈರಣ್ಣ ರಾಥೋಡ್, ಶಾಂತಪ್ಪ ಕಟ್ಟಿಮಣಿ, ಶ್ರೀಕಾಂತ ದಾಸರ, ಸಕ್ರಪ್ಪ ಹರನೂರ್, ಉಸ್ಮಾನ ಎಲ್., ಶಾಂತಪ್ಪ ಸಾಹುಕಾರ್, ಗಣಜಲಕೇಡ ರಮೇಶ್ ಬಂದರವಾಡ, ಗುರಪ್ಪ ಮುಕ್ಕ, ಮಲ್ಲಿಕಾರ್ಜುನ ಹೊಸಮಣಿ (ವರ್ಚನಹಳ್ಳಿ), ಸಿದ್ದು ಮುತ್ತು ಕೊಡ, ಎಲ್ಲಾ ಲಿಂಗ ತಳವಾರ ಮತ್ತು ಅನೇಕ ರೈತ ಮುಖಂಡರು ಭಾಗವಹಿಸಿದರು.
