ಸಂಭಾಜಿನಗರ| ರಾಷ್ಟ್ರೀಯ ಸಮಾಜ ಪಕ್ಷದ ಅಧ್ಯಕ್ಷ ಶಿವಲಿಂಗಪ್ಪ ಕಿನ್ನೂರು ಅವರಿಗೆ ಸತ್ಕಾರ

ಸಂಭಾಜಿನಗರ: ರಾಷ್ಟ್ರೀಯ ಸಮಾಜ ಪಕ್ಷದ ನೂತನ ರಾಷ್ಟ್ರೀಯ ಅಧ್ಯಕ್ಷರಾದ ಶಿವಲಿಂಗಪ್ಪ ಕಿನ್ನೂರು ಅವರು ಸಂಭಾಜಿನಗರಕ್ಕೆ ಮೊದಲ ಬಾರಿಗೆ ಭೇಟಿ ನೀಡಿದ ಹಿನ್ನೆಲೆಯಲ್ಲಿ ಪಕ್ಷದ ಮುಖಂಡರು ಹಾಗೂ ಕಾರ್ಯಕರ್ತರು ಅವರನ್ನು ಗೌರವಿಸಿ ಸನ್ಮಾನಿಸಿದರು.

ಪಕ್ಷದ ಪ್ರದೇಶ ಉಪಾಧ್ಯಕ್ಷರಾದ ಡಾ. ಪ್ರಲ್ಹಾದ್ ಪಾಟೀಲ ಅವರು ಹೂಗುಚ್ಛ ನೀಡಿ ಶಿವಲಿಂಗಪ್ಪ ಕಿನ್ನೂರು ಅವರನ್ನು ಸತ್ಕರಿಸಿ ಶುಭಾಶಯ ಕೋರಿದರು. ಇದೇ ವೇಳೆ ಪಕ್ಷದ ಸಂಘಟನೆ ಮತ್ತಷ್ಟು ಬಲಪಡಿಸಿ ಜನಪರ ಕಾರ್ಯಗಳನ್ನು ಮುಂದುವರಿಸಲಿ ಎಂದು ಆಶಿಸಿದರು.

ಈ ಸಂದರ್ಭದಲ್ಲಿ ದಿಲೀಪ್ ರೇಟೆ, ಸಂದೀಪ್ ರೆಂಡೆ, ಬಪ್ಪಾಸಾಹೇಬ್ ಗಾಯಕೆ, ಸಾರ್ತಕ್ ರೆಂಡೆ, ಸಚಿನ್ ಮಾನೆ ಸೇರಿದಂತೆ ಪಕ್ಷದ ಕಾರ್ಯಕರ್ತರು ಉಪಸ್ಥಿತರಿದ್ದು, ಅವರು ಕೂಡ ಕಿನ್ನೂರು ಅವರಿಗೆ ಸನ್ಮಾನ ಸಲ್ಲಿಸಿ ಮುಂದಿನ ರಾಜಕೀಯ ಹಾಗೂ ಸಾಮಾಜಿಕ ಕಾರ್ಯಗಳಲ್ಲಿ ಯಶಸ್ಸು ದೊರೆಯಲಿ ಎಂದು ಹಾರೈಸಿದರು.